2011斐濟! Bula! Day 3 - Treasure Island

14 Mar 2011
今日參加左Rosie Holidays(呢間係Fiji最大嘅旅行社, 大部份人都係join呢間, 我們下榻的酒店都係經佢Book)攪嘅Treasure Island Trip, Treasure Island位於Mamanuca群島中, Mamanuca群島位於Viti Levu島西面, 係由多個小島組成, 包括South Sea Island, Bounty Island, Treasure Island, Mana Island, Beachcomber Island, Castaway Island等...... 其中Castaway Island之前其實不是叫呢個名 (以前叫Qailto), 由於多年前Tom Hanks主演的Castaway(劫後餘生)在此島取景, 為方便遊客, 當局索性將此島改名為Castaway Island

由於Treasure Island每天只接待15位Day Trip遊客, 固此需要預約.  食過早餐後, 乘坐Rosie Holidays安排嘅旅遊專車到Denarau碼頭

在碼頭check-in後, 搭乘South Sea Cruises往Treasure Island, 船程約45分鐘

途中會經過South Sea island同埋Bounty island.

South Sea Island

Bounty Island

45分鐘後, 終於到達Treasure Island近岸, 由於此島沒有正式碼頭, 需要再轉乘駁艇, 再搶灘上岸.

接近沙灘已經見到當地人, 彈著結他, 唱著"Bula歌"歡迎我們.

上岸後見到有個好靚嘅泳池, 從低角度看好像與海連接一樣似的.  好! 跳落去游下先.  

拍過照後去攞Snorkelling Equipment, 坐小艇出海玩浮潛, 出發前用左四百幾蚊買左部Cheap Cheap防水相機(三米防水), 帶埋佢出去試下先, 海中魚唔算太多, 但好多珊瑚, 同埋D水好清. 玩左成粒鐘後, 上岸開餐.

餐後在小島上閒逛, 其實呢個小島真係好細, 環島一周只須30分鐘

島上有間很別致的教堂, 可供遊人結婚之用.

回到泳池旁邊的一個小亭, 有人示範傳統烹調術(Lovo), 即係放d食物(雞肉, 薯仔等……)在熱石上, 鋪沙後再放一層葉在上面, 之後再鋪多一層沙, 焗熟佢.  佢地話以前蠻荒時代的食人族, 人肉都係用呢個方法煮, 大概焗7個鐘.

時間在不知不覺下流逝, 已是下午三點幾, 在此享受下Fiji Time, 看下海, 看下書, 影下相, 又夠鐘回航了, 約17:00, 在當地人唱著歌的歡送下, 離開了這個美麗的小島.

回到Denarau碼頭, 原本諗住去Nadi Town行下Prouds & Jack’s, 順便買D紀念品, 由於昨天去Jack’s時知道當天關16:00, 但冇留意Weekday收幾點, 心想昨天是星期日, 很多Shop冇開或早收, 今天不會吧.  到達Nadi Town已是18:30, 怎知到達Prouds (收17:30)同 Jack’s(收18:00)時已關門大吉.  無可奈何之下唯有去醫肚先.  我們入左一間叫Mama Pizza的餐店(Prouds對面), 點了最穩陣的肉醬意粉同埋雜菜Pizza, 享受左30分鐘的Fiji Time後, 我們點的食物終於到啦, 個Pizza勁大, 味道都OK.

由於Nadi入夜後, 一般人都不會在街上遊連, 佢地都好心歸, 食飽後我地都坐巴士回酒店, 一般巴士尾班車都是20:00開出.  下車後我們要行一段路約10-15分鐘才回到酒店, 路途中, 見到天上繁星滿佈, 真的很美!

回到酒店, 經過Restaurant門口, 見到旁邊的電腦冇人用, 好, 上Facebook同香港D朋友講句Bula先. (在Nadi, 大部份地方上網都是要付費的, 包括WIFI都係, 在Treasure Island, Novotel, Airport 通通都要付費.) 今天和昨天一樣, 都是約八點幾就回房休息, 在這裡, 我們已融入當地人的生活模式, 早睡早起.

2011斐濟! Bula! Day 2 - 抵達Nadi

13 Mar 2011
抵達Nadi後, 甫一進入移民局, 已經有人彈著結他, 唱著歌歡迎我們, Bula!Bula!

辦理完入境手續後, 跟住去銀行換錢, (機場在禁區內外都有銀行可提供找換服務, Novotel的司機跟我說在機場的銀行兌換率比在酒店的著數, 建議我在機場換), 然後坐Novotel 專巴往酒店, Novotel在Nadi屬於一間4星級酒店, 距離機場只有兩分鐘車程. 
見到D錢好似熟口熟面? 因為同香港一樣, 大家都係曾經係英國殖民地, 所以都有事頭婆個樣 (換錢前最好在香港換定美金, 因港元在當地未必能順利兌換Fiji Dollar, 當然歐元, 澳元等大國貨幣無問題啦!)

由於出發已要求Early Check-in, 辦理完Check-in手續後, 放下行李, 往酒店Restaurant食過早餐後, 原本想去酒店內的Activity Counter問下D旅遊資料, 但由於Jet lag關係, 睡魔急Call, 返房訓陣先.

約下午兩時再去Activity Counter, 但酒店職員通知我們要17:00先有人當值

咁我們決定去Nadi Town行下先, 我們想試下搭巴士, 於是沿著上酒店的斜路向下走, 在接近迴旋處的位置找Bus Stop, 但找來找去都找不到, 於是決定問下當地人, 有個很熱心的女士跟我們說, 叫我們走去其中一棵樹下, 只要揚手就ok, 有巴士到, 問問車長是否去Nadi Town, 確認後上車買票, 盛惠每人$1.15Fiji Dollar, (約HK$5), Nadi的巴士唔會好似香港d巴士咁有空調, 全部都係單層"熱狗", 所以要有心理準備, 約20分鐘車程, 到達Nadi Town.

由於係星期日關係, 好多鋪頭都冇開, Nadi Town主要值得去的地方都係得D食肆, 手信店, Super Market, Prouds 同埋 Jack's, 入左間Super Market行左陣之後就離開, 我們諗住搵一間叫Jack's的手信店, 在Nadi Town閒逛途中, 不斷有好多人同我Bula, 突然間, 有一個FBI(Fiji Born Indian, 斐濟有40%人口係印度人)同我講Bula, 跟住話今朝我們見過面, 我不知是怎一回事, 正想不理會他離開之際, 他除下太陽眼鏡, 啊! 原來他是今朝由機場送我到酒店的司機, 原來他就住在附近, 剛下班回家, 此際真的覺得自己有點失儀, 閒聊下他知道我們想去Jack's, 更帶我們到門口, 真的很感激, Jack's 星期日收17:00, 主要賣D手工藝品, 椰皂, 手信等, 行左一陣開始落雨, 我地都決定走人, 坐番巴士回酒店.

Fuji Water, 香港都有得賣

回酒店後, 見到Activity Counter有人當值, 安排好之後三天的行程後, 因為坐完長途機, 加上睡眠不足, Jet Lag...... 真的很倦, 近近地去左酒店Restaurant食Dinner.

Order左野食, 約40分鐘後, D野食終於來, 如果比著係香港, 一早催左好耐, 但係Fiji, 要跟當地人一樣, 要享受Fiji Time嘛! 之後就回房休息.

2011斐濟! Bula! Day 1 - 向南太平洋小國出發

12 Mar 2011
1月裡的某一天, 下班時坐車回家, 和平時一樣, 喜歡用手機上下網, 偶然下見到去斐濟的Package很平, $4790起?? 唔係呀!? 以我所知, 去斐濟的Package起碼要$7500以上, 好, 回家用電腦上網睇下先, 由於當地正值是淡季加上雨季(每年11月到翌年4月是雨季), 加上2009年12月開始有直航往返, 所以價錢大幅下降.

南太平洋海島, 是我多年來夢寐以求想去的地方之一, 加上有很多假還未放, 十五十六之下, 決定和老婆二人成行!

出發前, 很多朋友問我, 斐濟在那裡? 其實斐濟屬大洋洲, 位處南太平洋, 在澳洲以東, 紐西蘭以北, 由330個島嶼組成, 屬熱帶海洋性氣候，每年5至10月是最佳旅游時間。這時受寒冷的東南風的影響，溫度較低，平均氣溫為攝氏22度，也是全年最乾旱。11月至翌年4月，氣溫較高，平均溫度為攝氏32度，風向多變，且降雨較多。斐濟比香港快4小時.

國旗同香港以前一樣都係有米字

由於所乘的航班是767-300型號, 從網上得知沒有獨立電視, 所以雜誌, MP3少不了, 我都幾怕搭長途機, 十小時的航程, 都幾難頂.

從香港出發, 乘坐Air Pacific, 16:50起飛, 當地時間翌日06:50抵達斐濟Nadi(納迪), Nadi位處Fiji最大的島嶼Viti Levu(維堤島), Nadi並不是斐濟首都, 首都在Viti Levu東南面的Suva(蘇瓦), 但由於大部份往返斐濟的遊客都是往Viti Levu西面的海島, 加上Suva全年經常下雨, 所以大部份國際航班都係會去Nadi.
睇下我地班機係邊個Gate先? 原來係Gate No.49

上機冇耐就食晚餐 - 雞肉面

香港時間凌晨一點就食早餐 (斐濟時間早上五點)

入境表都好照顧中國人, 居然有中文, 真俾面!

見到Nadi啦!

2009深秋四川行 Day 10 - 成都 --> 深圳回港

26/Oct/2009
昨晚已在交通飯店的接待處, 要求服務員給我們安排兩輛車於今早往雙流機場, 之前已跟她們議好價錢.

早上吃過早餐後, 拿取行李, 準備上車之際, 遇見數天前為我們安排觀看川劇的司機, 原來今天也是由他載我們往機場.  在往機場的路途中, 正值是早上上班時間, 交通有點擠塞. 眼見路上有多個可上高速公路的路口, 那位可惡的司機也沒有駛進去, 終忍不住問他為什麼不走高速公路, 他支吾以對, 繼上次川劇事件後, 又給他再騙一次, 只怪我們沒問清楚, 幸好最後也及時抵達機場登機.

飛機約下午一時到達深圳機場, 正式結束了今次十天的四川之旅.


後記

今次四川之旅, 很多美景對我留下了深刻印象, 黃龍的五彩池, 金沙舖地... 九寨溝的犀牛海, 珍珠灘瀑布等...... 真的驚嘆大自然之美. 能夠近距離觀看熊貓及欣賞著名川劇, 真的不枉此行.  但看見有些景點給512地震破壞了 (青城山, 都江堰), 真的覺得很可惜.  但願四川地震災區居民生活及早回復, 給地震破壞了的房屋, 學校盡快重建吧!

2009深秋四川行 Day 9 - 都江堰

25/Oct/2009
這天的行程原本不是計畫之內, 由於航班上的問題, 原本九天的行程, 變成十天的行程. 今天的行程是臨時加插的.  在新南門客運站乘巴士往距離成都市66公里的青城山, 往青城山的巴士是有分前山站及後山站的, 由於青城山後山因經歷512地震關係, 暫時不對外開放, 所以暫時只能遊覽前山, 但前山也有很多景點受到毀滅性破壞, 有些景區短時間內不會恢復開放.

青城山是著名的道教名山, 分前, 後山.  前山是青城山風景名勝區的主體部分, 約15平方公里, 文物古跡眾多, 主要景點有建福宮, 天然圖畫, 天師洞, 朝陽洞, 祖師殿, 上清宮等; 後山總面積100平方公里, 主要景點有金壁天倉, 聖母洞, 山泉霧潭, 白雲群洞, 天橋奇景等.

從山下往山頂的慈雲閣可選擇乘搭索道前往, 但因月城湖上的棧道給地震破壞了, 現在需要先乘搭渡船往月城湖對岸的索道站才能登山.

在青城山逗留約三小時, 在景區大門附近的巴士站乘巴士開始前往都江堰市, 約40分鐘車程, 於附近食店進餐後再轉乘巴士前往都江堰景區.  都江堰景區和青城山一樣, 經歷過512地震後, 很多景點也做成震撼性的破壞.

都江堰是中國古代建設並使用至今的大型水利工程, 位於四川省都江堰市西面, 都江堰是由戰國時代時始建的, 經過歷代整修, 兩千多年來都江堰一直在發揮巨大的作用.  整個都江堰樞紐可分為堰首和灌溉水網兩大系統, 其中堰首包括魚嘴(分水工程), 飛沙堰(溢洪排沙工程), 寶瓶口(引水工程)三大主體工程.  都江堰工程以引水灌溉為主，兼有防洪排沙, 水運, 城市供水等綜合效用.

寶瓶口

魚嘴

約黃昏時份乘巴士回成都市, 晚上再度前往春熙路, 再次食張飛牛肉麵, 不過感覺上春熙路分店, 不及之前在杜甫草堂外的分店好味.