經過昨天的教訓, 今天決定做番個守時的旅客, 約08:00, 旅遊巴到, 和前天一樣, 目的地係Denarau碼頭, check-in後上船, 目的地係Mana Island, 約一個半小時的航程, 抵達Mana Island碼頭.
Mana Island係比較早開發的島嶼, 有碼頭, 不像之前Treasure Island要搶灘, 呢個Island,係我覺得黎左斐濟咁多日最靚嘅一個, 上岸後去North Beach那邊玩浮潛, 這個灘D水好清, 好多海草, 但唔係咁多魚, 玩玩下前面有條大魚經過, 真係比佢嚇一跳, 以為係鯊魚, 原來係條蘇眉, 好似香港海洋公園見到果D咁大條.
游左成粒鐘, 有D攰, 去食Lunch先, 呢度食Lunch嘅地方比起之前果D小島靚好多, 我在不知情之下, 打大赤膊走進去, 職員叫我著番件衫先, 真係失禮.
食飽後影左陣相, 14:00坐船出海又玩浮潛
如果下次有機會再來, 我都想住下呢度D Resort!
船夫帶左我們去左一個沙州附近, 果度D水勁清, 好多珊瑚, 海水有深有淺
玩左約40分鐘, 要求船夫載我們上去個沙州度, 覺得好奇妙, 點解在南太平洋中心, 會有個咁嘅沙州
逗留了片刻後回去Mana Island, 在島上閒逛, 影下相, 突然風雲變色, 很大風, 海上卷起白頭浪, 覺得好像想下雨, 時間剛剛好, 我們都係時候打道回府, 行番去近碼頭的Dive Shop避下雨, 約30分鐘後船到, 我們三天的小島行程, 在此亦劃上完滿的句號.
18:00回到Denarau碼頭, 今天想在這裡逛逛, 其實Denarau, 好像香港的愉景灣, 自成一角, 區內有一個渡輪碼頭, 碼頭附近有兩間Bar和一些商店, 食肆和幾間5星級Resort組成, 香港人熟悉的Sheraton, Westin, Sofitel都係座落於此, 交通方面有區間車連繫, 往來各Resort與碼頭. 見到呢度原來都有Jack’s, 難得未關門, 入去買番D紀念品先.
晚餐去左碼頭附近一間叫Amalfi的意大利餐廳食, 叫左Carpet Steak(釀煙肉肉眼扒), Risotto AL Nero Di Seppia(墨魚汁飯), 當然我地又要享受Fiji Time啦, 25分鐘後, D野食終於到, 食完後坐Taxi返酒店.
沒有留言:
發佈留言